تصحيح النظر · ليزك وسمايل · الإسماعيلية
تصحيح النظر بالليزر في الإسماعيلية
زهقت من النضارة أو العدسات اللاصقة؟ الليزر ممكن يقلل اعتمادك عليهم. بس قبل ما نسأل «أعمل ليزك ولا سمايل؟»، لازم نعرف الأول: هل عينك تنفع لليزر أصلًا؟
عيني تنفع لليزر؟
غالبًا تنفع لو:
- سنك ١٨ سنة أو أكتر، والأفضل فوق ٢١ لأن النظر بيكون ثابت أكتر
- مقاس نضارتك ثابت تقريبًا في آخر سنة
- قرنيتك سليمة وسُمكها كفاية
- متوقع تقلل اعتمادك على النضارة، مش رؤية مثالية مضمونة
وممكن متنفعش لو عندك:
- مقاس مش ثابت، أو قصر أو طول نظر أو استجماتيزم كبير جدًا
- قرنية رفيعة، أو قرنية مخروطية، أو ندبات في القرنية
- جفاف شديد في العين
- مياه بيضاء مأثرة على النظر، أو جلوكوما متقدمة
- سكر مش منضبط، أو حمل أو رضاعة
ولو الليزر مش مناسب، فيه بدائل زي زرع عدسة جوه العين (ICL) أو تغيير عدسة العين. بنتكلم فيها بعد الكشف.
الفحوصات قبل العملية
- رسم القرنية (طبوغرافيا/توموغرافيا) عشان نكتشف أي قرنية مخروطية مستخبية
- قياس سُمك القرنية
- قياس المقاس بدقة، وأحيانًا بعد قطرة توسيع
- فحص جفاف العين وحجم الحدقة
- فحص الشبكية
فيمتو ليزك ولا فيمتو سمايل برو؟
| فيمتو ليزك | فيمتو سمايل برو | |
|---|---|---|
| الفكرة | الليزر بيعمل طبقة رفيعة في القرنية، وليزر الإكزيمر بيعيد تشكيل القرنية تحتها، وبعدين الطبقة بترجع مكانها. | الليزر بيشكّل قرص رفيع جوه القرنية، وبيطلع من فتحة صغيرة. من غير رفع طبقة. |
| بيعالج | قصر النظر وطول النظر والاستجماتيزم | قصر النظر والاستجماتيزم |
| يناسب مين غالبًا | مدى واسع من المقاسات | اللي بيلعب رياضة عنيفة أو مش عايز طبقة، في عيون مختارة |
| الرجوع للحياة | سريع عادةً، خلال أيام | النظر بيتحسن تدريجيًا خلال أيام لأسابيع |
بنختار بينهم بعد الفحص، على حسب سُمك وشكل القرنية والمقاس وطبيعة حياتك، مش على حسب اسم العملية.
بعد العملية
- محتاج حد يوصلك البيت يوم العملية.
- هتحس بحرقان أو رمل في العين كام ساعة، وبعدين بيتحسن.
- هتستعمل قطرات بجدول، ومتدخلش مية في عينك ومتفركهاش كام يوم.
- أغلب حياتك العادية بترجع خلال يوم أو اتنين.
- الجفاف وتذبذب النظر بيتحسنوا غالبًا خلال شهر، وعند بعض الناس بياخدوا وقت أطول.
المخاطر والآثار الجانبية
- جفاف العين، وده الأشهر، وغالبًا مؤقت
- زغللة وهالات حوالين الأضواء بالليل
- تصحيح أقل أو أكتر من المطلوب، وممكن يتعالج بنضارة أو جلسة ليزر تانية
- نادرًا: التهاب، أو إن أحسن نظر ممكن بالنضارة يبقى أقل من قبل العملية
طب ونضارة القراية بعد الأربعين؟
الليزك والسمايل مش بيمنعوا ضعف النظر للقريب اللي بييجي مع السن. معظم الناس هيحتاجوا نضارة قراية في الأربعينات حتى بعد العملية.
أسئلة بتتسأل كتير
العملية بتوجع؟
بنستخدم قطرة مخدّرة. ممكن تحس بضغط بسيط أثناء العملية، وبعدها حرقان أو دموع كام ساعة.
العملية بتاخد قد إيه؟
الليزر نفسه دقايق لكل عين، بس هتقعد في المركز وقت أطول للتحضير والمتابعة بعدها.
النتيجة بتفضل على طول؟
التصحيح في القرنية دايم، بس العين نفسها بتتغير مع السن، زي ضعف القراية بعد الأربعين أو المياه البيضاء بعدين.
لو قرنيتي متنفعش، إيه البديل؟
ممكن زرع عدسة جوه العين (ICL) أو تغيير عدسة العين يكون مناسب. بنحدد ده بعد الكشف.
اعرف عينك تنفع لليزر ولا لأ
البداية فحص كامل للقرنية والمقاس. وبعدها بس بنقرر معاك إيه الأنسب ليك، حتى لو كان الأنسب إنك متعملش ليزر.
احجز على واتساب اتصل بالعيادةالإسماعيلية: مركز العيون التخصصي · السبت والخميس من ٧ مساءً · الكشف ٢٠٠ جنيه
القاهرة الجديدة: مركز توفيق للعيون · الثلاثاء من ٨ مساءً
الزقازيق: مستشفى الفردوس للعيون · الإثنين من ٨ مساءً
د. مصطفى ولي الله
أخصائي طب وجراحة العيون، متخصص في جراحة المياه البيضاء والشبكية. حاصل على شهادة الكلية الملكية لأطباء العيون بلندن (CertRCOphth)، وزميل جراحة الشبكية والجسم الزجاجي بمستشفى الفردوس للعيون. المؤهلات كاملة
المصادر:
الصفحة دي للتوعية، ومش بديل عن الكشف.